நான் உபுண்டுவிற்கு மாறப்போறேன்

நம்மில் பலரும் XP அல்லது விஸ்டா ஆப்பரேட்டிங் சிஸ்டத்தை உபயோகப்படுத்தி வருகிறோம். அதிலும் சிலர் ஒரிஜினல் மென்பொருள் உபயோகப்படுத்துவதில்லை. இப்படி அனுமதியின்றி உபயோகப்படுத்தும் சிலருக்கு ஒரு சிறந்த வரப்பிரசாதம். உபுண்டு - ubuntu. 

இது லினக்ஸ் பேஸ்டு ஓ.எஸ். லினக்ஸ் என்றவுடன் நம்க்கெல்லாம் அதன் பயன்பாடு, பயன்படுத்துவோருக்கு எளிமையாக இருக்காது என்று நினைப்போம். ஆனால் அந்த நினைப்பை மொத்தமாக மாற்ற வந்துள்ள வரப்பிரசாதம் தான் ubuntu. இதில் மிக முக்கியமான விஷயம் என்னவென்றால் இந்த ஓ. எஸ் முற்றிலும் இலவசம் (open source). முதலில விஸ்டாவிற்கு சவால் விடும் அதன் டெஸ்க்டாப்பை கீழே பாருங்கள்

கலக்கலாக இருக்கிறதல்லவா? இதன் வேகம் சும்மா அதிருது. விஸ்டாவில் 4GB ஐ போட்டும் நான் ஸ்டார்ட்டப்பிற்கும் ஷட்டவுனிற்கும் காத்துக்கொண்டிருக்க, என் நண்பன் தனது ஒரிஜினல் விஸ்டாவை கடாசி விட்டு இந்த உபுண்ட்டுவிற்கு மாறிவிட்டு சும்மா ஜெட் வேகத்தில் பறக்கிறான். நானோ இவ்வளவு காசு போட்டு வாங்கிய விஸ்டாவை அகற்ற வேண்டுமா என்று இன்னும் யோசித்துக் கொண்டிருக்கிறேன். ஆனால் எனக்கு உபுண்டுதான் பிடித்திருக்கிறது.

இதில் இன்னொரு முக்கிய விஷயம், இதில் office softwareம் அடங்கியிருக்கிறது. மைக்ரோசாப்டிற்கு நீங்கள் அழுகும் தொகையை யோசித்துப்பாருங்கள். இதில் உள்ள openoffice, சன் கம்பெனி (அட நம்ம சன் டிவி இல்லீங்க) சன் மைக்ரோ சிஸ்டம்சின் உடையது. இதுவும் இலவசம் தான். இதன் தனித்துவம், நீங்கள் மைக்ரோசாப்டின் அனைத்து கோப்புகளையும் இதில் கையாளலாம். இரண்டிற்கும் compatibility (தமிழ்ல இன்னாங்க?) இருக்கிறது.

அதேபோல் நம்ம கிம்ப்பையும் சேத்துருக்காங்க, நீங்க போட்டோஷாப்பிற்கு அலையவேண்டாம் பாருங்க. எல்லாம் லினக்ஸ் வெர்ஷன்.

அதேபோல இலவச கிருமிநாசினி (இதெல்லாம் ரொம்ப ஓவரு, Antivirusனு சொல்ல வந்தததான்...) இருக்கு. இலவச அப்டேட்ஸோட (அனைத்து மென்பொருளுக்கும் உண்டு). இன்னோரு நல்ல விஷயம் இதுல, லின்க்ஸ்ன்றனால இதுக்கு வைரஸ் பாதிப்பு ரொம்ப குறைவு (இல்லவே இல்லன்றான் என் நண்பன்). அப்புறம் ஹார்டுவேர் டிரைவர்ஸ் எல்லாம் கிடைக்குதுன்றான்.

டூயல் பூட்டிங் சப்போர்ட் பண்றதால மொத இத வீட்டு PCல சும்மா ஓரத்துல உபயோகப்படுத்திப்பாருங்க அப்புறம் முழுசா மாத்திக்கோங்க. என்ன தேவையில்லாமல் அப்டேட்ஸ் இல்லாத கிராக்டு மென்பொருள் உபயோகப்படுத்திறதுக்கு இது எவ்வளவோ மேல்.

யாராவது இத உபயோகப்படுத்துறவுங்க இருந்தா எப்படி இருக்குனு சொல்லுங்களேன்.

UPDATE: கருத்துரையில் சிலர் உபுண்டு பற்றி கேட்டிருந்தார்கள். எனக்கு அவ்வளவு தெரியாததாகையால் இந்த லிங்கை அடைந்து சிறிய இலவச புத்தகத்தை விரும்பினால் தரவிறக்கம் செய்யலாம். உபயோகமாக இருக்கும் என்று நினைக்கிறேன்.